Hindi na ako sinagot si Jude nang malaman niya ang aking sagot. Hindi mababago ng gabing ito ang tingin ko sa kanya. Kinamumuhian ko pa rin siya at hindi ko alam kung hanggang kailan ba ito o kung may katapusan nga ba.
"Babalik na ako sa sasakyan ko," paalam ko at bumaba na sa kanyang pick-up. Hindi na ako nag-abalang lumingon pa. Hindi rin naman ako nakarinig ng kahit na anong sagot mula sa kanya. Hinayaan lang niya akong maglakad patungo sa aking sasakyan.
Ang akala ko ay aalis na siya dahil sa naging sagot ko, ngunit lumipas ang buong magdamag ay nanatili rin siya sa kanyang sasakyan. Nakabukas ang kanyang bintana, batid ko ang pagtanaw niya sa akin.
Nang pasikat na ang araw ay nakatanggap ako ng tawag kay Ben. Ang sabi niya'y papunta na raw siya dito. Lumingon ako sa sasakyang ni Ju
