Nang lumalim na ang gabi, nag paalam na ang iba. Si Gabriel at Soleil ay umuwi na, maging si Carlos at Cathy. Sila Macy at Wendy ay dito na raw matutulog, habang si Scarlett naman ay nagpaalam na sa ‘min dahil kailangan na niyang magpahinga.
"Inaantok na ang mga bata…" sambit ni Macy. Karga niya ang bunsong anak nila ni Wayne at ang panganay naman ay nakaupo sa tabi ng kanyang ina habang kinukusot ang mga mata.
"Kaya nga," sang ayon ni Wendy sabay tingin sa kanyang mga anak. "Patulugin na muna namin sa, ha?"
"Sige…" ani Timothy. "Nakahanda na ang mga kwarto niyo sa taas."
"Salamat," ngiti ni Macy pagkatapos ay bumaling siya sa ‘kin. "Gusto mo bang sumama, Kellie? Tara…"
"Ah, hindi na," tanggi ko. "Dito na lang ako."
"Oh… sige. Papatulugin lang namin ang mga bata pero babalik din kami
