Nagising ang aking diwa nang maulinigan ko na tila may nagbubulungan na tao sa paligid at parang kilala ko ang tinig ng lalaki. At ang kasunod noon ay tunog nang nakabukas na pinto. Kay Jared yata ang tinig na ’yon? Ngunit kaagad kong ring iwinaksi sa aking isipan. Baka panaginip ko lamang iyon.
Dahan-dahan kong iminulat ang aking mga mata ngunit tumambad sa akin ang hindi pamilyar na silid.
Kunot noong inilibot ko ang aking paningin sa kabuoan ng silid. At nakakasiguro akong wala ako sa mansiyon dahil iba ang kulay ng pintura na ginamit sa dingding. Akma akong bumangon ngunit muli akong napahiga dahil medyo umiikot na naman ang aking paningin.
Ilang minuto rin ang aking pinalipas bago ako muling nagmulat sa aking mga mata. Akmang itutukod ko ang aking kamay sa kama para makasandal sa
