PENELOPE ELEANOR
"Pinapasabi po ni Sir na agahan mo ang pag-uwi ngayong araw dahil may mahalagang lugar daw po kayong pupuntahan," bilin sa 'kin ni Agustus pagkababa ko ng sinasakyang van.
Tumango ako sa kaniya at kinuha ang bag ko na siya ang may dala kanina.
"Sure, Agustus. Mauna na kayo sa inyo. Salamat sa paghatid sa 'kin."
Yumuko sila sa 'kin. Tumalikod na ko sa kanila ni Arthur at tuluyan ko na silang iniwan.
Bumuntong hininga ako ng malalim. Hindi ko akalaing mauubos ko ang inipon kong pera para lang makabili ng isang pabango.
Sinong mag-aakala na nasa fifty thousands ang Jasper Perfume na ginagamit ni Kendy?
Mas lalo ko tuloy napatunayan na hindi ko pa talaga alam kung gaano kayaman ang taong mapapangasawa ko. Ngayon ko lang din naisip na marami pa talaga kong bagay na
