CHAPTER 23
Hindi naging madali ang mga sumunod na araw para kay Kany. Pero hindi na siya katulad ng dati na walang ginawa kundi ang umiyak. Tahimik pa rin siya, pero hindi na siya yung babaeng basta na lang umiiyak sa bawat sakit na mararamdaman niya. Mas pinili niyang manahimik. Mas pinili niyang tiisin ang lahat para sa anak niya. Iisipin nalang niya na isang masamang karanasan ng pagpapakasal at pagtitiwala agad sa isang lalaking katulad ni Dylan Zachary Valerioso. Isa itong leksyon sa buhay niya o sa ibang babae na hindi agad dapat maniwala at magtiwala sa isang lalaki na bago lang nakilala. Lalo na't magkaiba ang mundo nila, at sa mundong iyon, siya ang madaling tapakan. Sa loob ng silid na dati nilang pinagsaluhan ni Dylan, unti-unti niyang inaayos ang sarili niya. Hindi para sa asawa
- Writer
