Naging kaunti lang ang sandali na nagkikita kami ni X sa resort dahil palaging nakabuntot sa kaniya si Blaise.
Umarteng normal din naman si X, wala na ang bakas ng pagkasungit niya o pagkairita sa akin. Parang ibang tao na naman siya.
Gulat nga ako na sumama agad siya noong niyaya ko siya na sa aming bahay muna magpalipas ng sabado at linggo.
Nakanguso ako habang nasa palengke. Kasi naman, sumama nga siya sa bahay pero panay ang sama niya kay kuya France at Papsy sa pangingisda.
Kaya naman, pumunta na ako rito sa palengke para makita ko si Maria. Nakakamiss din naman ang katabilan ng dila nito.
"So, ang ibig mong sabihin ay nalulungkot ka dahil sa crush mong sala sa lamig, sala sa init?" tanong niya habang kinakaliskisan ang mga isda.
Tumigil ako sa paglilinis ng bituka ng mga
