"Sigurado ka na ba Kuya?
Ayaw kong masaktan ka.
'Di ba p'wedeng, pumayag ka na lang sa gusto niya?"
Nag-aalalang tanong ni Cloudy sa akin.
Nandito kami ngayon sa pampang at nag-iinuman.
Matapos pumayag ni Catrione na magpakasal kami hindi na niya ako iniimikan.
Kahit ng humarap kami sa pamilya nito at ipinaalam ang napag-desisyunan namin ay hindi ako nito iniimikan.
Ni tapunan ng katiting na sulyap ay 'di niya magawa.
Mapait akong ngumiti at tinapik ito sa balikat.
"Handa kong pag- ipunan ang pagmamahal niya.
H'wag mo na akong alalahanin,
kaya ko ang sarili ko."
Malungkot ang mga mata nitong nakatitig sa mga mata kong nanunubig na rin.
"Kuya hindi mo deserve ito.
Marami na tayong hirap at pasakit na napagdaanan.
Napakabuti mong tao.
Karapatan mong sumaya at mahalin.
Kung h
