Nang makarating na sila sa tapat ng bahay nina Thea, ipinarada ni Liam ang kotse sa isang medyo madilim na bahagi malapit sa gate upang hindi agad mapansin ng mga kapitbahay. Tiningnan ni Thea ang oras sa dashboard—6:30 PM. May kalahating oras pa siya bago dumating ang kaniyang mommy.
Humarap si Liam sa kaniya at pinatay ang headlights ng sasakyan. "Nandito na tayo, baby," malambing na wika ng binata, habang ang kaniyang mga mata ay may bakas ng lungkot dahil kailangan na nilang maghiwalay.
Mabilis na kinuha ni Thea ang plastic bag na naglalaman ng kaniyang basang uniporme. Tiningnan niya ang kaniyang suot na malaking sweatpants ni Liam at bahagyang napangiti.
"Pumasok ka na agad para makapagpalit ka ng damit na tuyo, baka matuyuan ka ng pawis," paalala ni Liam, sabay haplos sa pisngi n
