"Wow! That was absolutely amazing! Niyanig ng ating 2nd Year Level representative, Ms. Aquino, ang buong unibersidad gym sa kanyang nakakangangang dance moves!" sigaw ng host sa kanyang microphone, habang pilit na pinatatahimik ang mga estudyanteng ayaw pa ring tumigil sa pagsigaw at pagpukpok ng mga tambol.
Muling umalingawngaw ang palakpakan nang tumayo si Thea mula sa kanyang perpektong split, bakas ang kaunting hingal pero may napakatamis at nagwaging ngiti sa mga labi. Kumaway siya sa buong crowd at nag-bow bago dahan-dahang naglakad pabalik sa backstage.
Habang naglalakad siya sa gilid ng court, sinalubong siya ng mga mapanuksong hiyawan at hila ng mga teammates ni Liam. Si Liam naman, na kanina pa hindi maialis ang tingin sa kasintahan, ay napasipol nang malakas habang umiiling-il
