ANICA’S POV
“M-Mr. Logan! Kayo ho pala! Magandang gabi.” kaagad na binitawan ni Riley ang braso ko, para may paggalang na humarap sa aming boss. Maganda ang pagkakangiti niya rito. “Pauwi na rin ho ba kayo, Sir? Bakit hindi na lang po tayo sabay na pumunta sa parking lot.”
Napangiwi ang labi ko. Dahil may pagka-friendly si Riley ay madali lang para sa kanya na anyayahan maging ang boss namin nang walang kahiya-hiya sa katawan.
Nakapamulsa si Mr. Logan na blangkong ekspresyong tumugon sa kanya. “You go. I'm not going to get home yet.”
“Ah?” napataka si Riley. “Ganoon ho ba? O sige ho, mauuna na ako sa inyo.” saka niya ako binalingan. “Tara na, Anica. Ihahatid na ki—”
“Miss Anica is going to stay with me.” pagputol na saad ni Mr. Logan na parehong kinagulat namin ni Riley at may nanlala
