MALALIM na napabuntong hininga si Lander habang nakatayo sa gilid ng malawak na pastulan. Alas kuwatro ng hapon kaya tinatabog na ng tauhan ang mga tupa papasok sa rancho.
Sa harapan niya, parang alon na dumadaloy ang napakaraming tupa, nagkakasabay ang kanilang paggalaw, kumikislap ang puti ng kanilang balahibo kapag tinatamaan ng araw. May ilan pang batang tupa na nagtatakbuhan, tumatalon sa damo.
“Magandang hapon, Sir Lander.” Pagbigay galang ng tauhan niya.
Ngumiti lang si Lander at tumango dahil napakabigat talaga ng dibdib niya mula pa kagabi. Natapos nga ang pagtatapat nila Shiela kay April ay bigla na lang siyang nanglumbay. Sinadya niyang magpakalasing kagabi para walang maging problema dahil naroon pa ang inlaws niya. Paano kung may magtalik sila ni Shiela at marinig pa ng
