NAKAUPO si Shiela sa mahabang upuan ng kusina, hawak-hawak ang baby Golden Retriever. Karga niya ito na parang sanggol, nakasuporta ang isang kamay sa puwitan at ang isa sa likod.
Halos hindi niya mapigilan ang sarili.
Para siyang may hawak na pinakamalambot at pinaka-cute na nilalang sa mundo.
“Awww… ang liiit liiit mo…” bulong niya habang kinukurot ang pisnge ng tuta sa sobrang gigil.
Ginawa niya pa itong i-dikit sa dibdib niya at iniipit sa yakap.
“Ayyy ang lambot… sobra ka namang cute!”
“Mula ngayon ako na ang Mommy mo!” wika niya at saka hahalikan ang mukha.
Tuwang-tuwa ang tuta, kumikilos-kilos at pasiksik nang pasiksik sa kanya.
Si Talia, ang kasambahay, napatigil sa paghuhugas ng gulay at napangiti.
“Ma’am, baka po ma-flat ‘yan! Baby pa po talaga ‘yan baka naman mamatay
