Tahimik naming pinuntahan ang kaniyang sasakyan. Nararamdaman ko ang tensyon sa kanya. Pagka't naka kuyom pa rin ang kaniyang kamao. Bawat hakbang ko ay nariyan lang ang kaniyang braso na nakahawak sa aking balikat. Parang sa tingin niya ay anytime, pwede akong matumba.
Sinara niya ang pinto ng front seat nang maipasok ako. Umikot siya at pumwesto na rin ng upo sa driver's seat. Binuhay ang makina at nagsimula ng magmaneho.
Napasandal ako sa upuan at dahan dahang pumikit. Nakakaantok rin pala ang konting iyak lang. Bago ako tuluyang kainin ng antok ay narinig kong sunod-sunod na nag mura ang kasama ko.
Mababaw lang naman ang naging tulog ko. Nang maramdaman kong pumarada na ang sasakyan ay unti unti ko nang minulat ang mga mata pero pumikit din agad nang buksan ni Xander ang pinto sa gi
