Abducted 27
I busied myself searching for another movie to watch. Habang nakahiga sa kama, tamad akong pumipindot sa hawak na remote dahil sa tagal ng paghihintay na makabalik si Kade. Sinabihan niya ako na manatili sa kuwarto at huwag na huwag lalabas. Hindi ko alam kung saan nagpunta at wala ring ideya kung anong oras ang balik niya.
Bumaba ako mula sa kama at hinubad ang suot na puting roba ng hotel. Nakapamewang akong naghikab palapit sa dressing room upang makakuha ng damit na isusuot. Mas malaki ang kuwarto ni Kade sa isla kumpara rito ngunit kagaya roon ay nasa bawat sulok ang lahat. Ilang hakbang ay makakarating sa living room, bathroom, at dressing room. Wala nga lang kusina.
“Ikinulong na nga niya ako sa isla nang ilang buwan, maging dito ba naman ay pagbabawalan niya ako sa l
