Ramdam ko ang pagkirot ng ulo ko nang bumangon ako sa kama. Tumatama ang sinag ng araw sa mga mata ko dahilan para mahirapan akong imulat ng maigi ang mga ‘to. Sunod sunod ang paghinga ko ng malalim habang iniikot ang paningin sa paligid.
Nandito na ako sa kwarto ko. Paano nangyari ‘yon? Hindi ko alam kung paano ako nakauwi kagabi.
“Lasing na lasing ka kagabi.”
Nagulat ako nang marinig ko ang boses ni Hyrie. Ngayon ko lang napansin na nandito siya, nakaupo sa couch habang tinitignan ang bawat kuko sa kamay.
“T-talaga?”
Lasing na lasing ako kagabi? Hindi ko maalala.
Tumango siya at tinapunan ako ng seryosong tingin. “Kailan ka pa natutong maglasing, Kim? I was surprised to see you so drunk.”
“Hindi na mauulit ‘yon, Hyrie. Nagkataon lang na naparami ako ng nainom.”
Pinilit kong
