Sa dulo ng Lower blood kung saan napadpad ang tatlong dalaga sa buhay ni Logan ay nagkakagulo rin. Umabot ang shield doon na talagang dahilan ng takot ng ibang mga naninirahan doon. Isa itong penomina para sa kanila nakakatakot at nagdadala ng isang masamang pangitain.
Dahil sa panandaliang pagyanig ng lupa ay nagimbal ang mga nananahan na berserker sa ilalim nito. Sabay na nag silabasan ang mga heavenly berserker na dati ay nasa hibernation. Maging ang kuweba na tinitirhan ng maraming evolvers doon ay mayroong parte na nagkaroon ng bitak. Sumingaw rin ang matinding init mula sa ilalim ng lupa, dahilan upang hindi na maaaring manatili ang mga evolvers doon. Malungkot ang mga mata ni Gamiya habang nakatingin sa malungkot na mga mukha ng mga taga-roon. Panandaliang ginhawa lamang ang kanila
