Sa ilalim ng makulimlim na kalangitan at malakas na ihip ng hangin, ay bigla na lang sumulpot ang isang siyudad. Hindi ito kalakihan subalit hitik sa yaman ng mga punong kahoy. Kung titingnan ito mula sa labas ay talagang nakakahalina ang hitsura nito. Mistula galing lamang sa mga lumang libro ang lahat ng nasa loob. Ang bawat detalye na makikita sa labas ay mula lamang sa ilusyon na ginawa ni Logan. Ngunit ang totoo ay higit na mas maganda pa ang totoong itsura ng buong Sekluded sa ilusyon na iyon.
Mahigit sa sampung araw na simula ng malaglag si Logan sa bangin. Simula rin ng araw na iyon ay palagi na siyang hinahanap ng kanyang naging kaibigan na evolver. Dahil sa hinahanap siya nito sa tuwing tumitigil ang lahat ng grupo sa paghahanap sa Verdant Phoenix. Dahil sa paghahanap nito sa k
