“DAMN it! Sino ang walang hiya na hindi nag-mute ng cellphone!?”
Natilihan ang buo ko'ng sistema nang sumigaw ang direktor. Napakurap at agad na napagtanto ang malaking gulo na nagawa ko.
“Hala ka, Miss. Bawal ang mag-ingay sa set kapag nag-sho-shoot," komento sa akin ng katabi ko.
“Sino ba 'yan?” ani ng hindi ko kilala kung sino ba ang nagsalita.
“Mukhang staff rin dito."
“Yari siya kay Direk.”
Nakagat ko ang ibabang labi. Daig ko pa ang hinahabol ng pulis sa bilis ko'ng itinago ang hawak na phone sa bulsa ko. Sa pagkataranta ko'y nahulog ko pa ang mga dalang kape at gamit.
Pag-angat ko nang mukha ay nasa harapan ko na ang baklang direktor na kasing taas ng Mt. Everest ang taas ng kilay. Grabe ang gigil ng labi nito sa akin na parang gusto akong sabunutan hanggang makalbo.
O
