Yuri's POV
"Sige, pare. Next time na lang uli tayo mag-jamming." Tinapik ni Andrei ang balikat ko matapos ay nagpaalam na.
Sabay na umalis sina Andrei at Ian. Pupunta sila sa bagong bukas na resto bar. Ngayon lang uli magsasama-sama ang buong tropa dahil naging abala ang lahat sa pag-aaral lalo na ngayon na malapit na ang graduation.
Gusto ko sana sa kanilang sumama dahil matagal na panahon na rin kaming hindi nagbo-bonding ngunit may plano akong puntahan ngayon si Remmy. Isa pa, bigla na lamang sumulpot si Kate sa hindi ko malamang dahilan.
"May problema ba?" nagtatakang tanong ko habang nakatingin sa direksyon ng aking kapatid. Hindi pa rin mapalis ang reaksyon sa mukha nito dahilan para mas lalo akong kabahan.
"Puwede bang huwag mo akong tingnan ng ganiyan. Kinakabahan ako sa 'yo.
