YURI
"It's very unsual na makita ka sa ganitong klaseng lugar. Alam ba ng girlfriend mo na nandito ka?" tanong ni Avis. Isa sa mga kaklase ko. Bihira ko siyang makausap dahil tulad ko abala rin ito sa pag-aaral lalo na't kasama rin siya sa listahan ng mga outstanding students ng university namin.
Hindi ako umimik sa halip ay ipinagtuloy ko lamang ang iniinom ko. Nasa isang bar ako ngayon at kasalukuyang ipinagbubunyi ang masaklap na katapusan ng relasyon namin ni Remmy. Dati na ako umiinom, ngunit simula ng ma-diagnose ako pinagbawalan na ako ng doktor na uminom dahil makakasama ito sa kalusugan ko. Ngunit ngayon na tuluyan ko nang tinuldukan ang namamagitan sa amin ni Remmy ay kailangan ko ito para kahit paano'y makalimot.
"One glass of whisky, please. Mind if I ask, may problema ka ba
