REMMY
Lumipas ang mga oras, hindi pa rin ako makapag-isip ng maayos. Iniisip ko pa rin si Yuri; kung ano ang ginagawa niya, kung ano ang naiisip niya at higit sa lahat kung ano ang nararamdaman niya sa mga sandaling ito dahil alam ko sinabi na sa kaniya ni Ciara ang lahat. Sa ngayon, wala akong ibang nagagawa kundi ang ipagdasal na sana'y maging maayos lamang ang lahat dahil hinding-hindi ko kakayanin sa oras na mayroong mangyaring masama kay Yuri.
Pagkatapos ng last subject namin sa hapong ito, kaniya-kaniya nang uwi ang mga kaklase ko. Nagpaalam na rin sa akin si Mary Anne. Umaasa pa rin ako na sana ay walang magbabago sa pagitan naming dalawa, ngunit wala akong magagawa sakali man na magbago at iwasan niya ako dahil kasalanan ko naman ang lahat at nararapat lamang na pagbayaran ko it
