Yuri's POV
Hindi ko namalayan ang mga butil ng luha na nagsitakas mula sa aking mga mata. Sumabay ang mga ito sa malakas na pagbuhos ng ulan sa buong paligid. Unti-unti nang nanunuot ang matinding lamig sa aking mga buto na nagdudulot nang labis na pangingilo sa aking buong katawan.
Hindi ko batid kung ito'y isang panaginip o sadyang epekto lamang nang labis na pagmamahal ko kay Remmy kaya't kung anu-ano na ang pumapasok sa isip ko.
Ngunit kung panaginip lamang ang lahat ng ito, bakit parang totoo ang lahat? Bakit parang nasa tunay kaming mundo kung saan ang lahat ng bagay ay totoo, tunay na mundo kung saan kami nakatayo?
Kung panaginip lamang ang lahat ng ito bakit nararamdaman ko ang mainit na pagdaloy ng dugo mula sa mga ugat ni Remmy nang sandaling ikulong ko siya sa aking mga bis
