Remmy' s POV
Hindi ako nakakilos at nanatiling nakatayo mula sa aking kinatatayuan habang mahigpit na nakakulong sa mga bisig ni Yuri. Ito ang pangalawang pagkakataon na niyakap niya ako sa harap ng maraming tao.
Hindi ko inaasahan ang bagay na lumabas sa kaniyang bibig na hanggang sa mga sandaling ito ay paulit-ulit pa rin na umaalingawngaw sa aking dibdib. Mas lalo pang tumindi ang malakas na pagkalabog sa aking dibdib na kanina ko pa nararamdaman.
"Mahal na mahal kita, Remmy, noon pa man ay mahal na kita," muling sambit ni Yuri. Ramdam ko ang matinding emosyon sa bawat salita na kaniyang binigkas.
Dahan-dahang ibinaon ni Yiri ang kaniyang mukha sa ibabaw ng aking balikat. Mas lalong humigpit ang pagkakayakap niya sa akin habang nananatili ako sa kaniyang mga bisig. Hindi na ako mak
