KABANATA 19
Val pov
Panay ang hikap ko dahil kulang ako sa tulog. Narito ako ngayon sa Tagaytay para sa seminar namin. Kasama ko si Stella, pero magkaiba kami ng room na pinasukan dahil iba ang department ng bawat seminar. Naiinip na ako, ngunit hanggang bukas pa kami rito. Two days ang seminar ko.
Mabuti na lang nagpaalam din si Kazuki na may pupuntahan siya para sa isang business trip. Hindi pa ako nakakapunta sa company niya. Minsan daw, isasama niya ako roon at ipakikilala bilang asawa niya. Napangiti ako nang maalala ko ang sinabi niya noong huli kaming nag-usap.
Lumipas ang ilang oras. Sa wakas, natapos din ang unang session ng seminar. Inabot iyon ng kalahating araw kaya nangalay talaga ang balakang ko kakaupo. May break time naman, pero mas pinili kong manatili muna sa confere
