Rinig ko ang pag-ungol nila, dahil sa pag-upos ng pag-asa nilang makakatabi nila si Sean ng isang oras. Rinig ko naman ang waging tawa ng kaibigan ko habang sumasakay sa likod. Nakangiting sumakay si Sean sa driver's seat bago lumingon sa akin at kumindat.
"Bakit ba pinagdidiskitahan niyo ko ngayon?! Kumakain lang ng konting chips masisira na agad yung figure ko?! Ganyan ka lang kasi hindi kayo yung pinasakay ni Sean sa harap! Si Celestine sisihin niyo!" inis na sigaw nito sa mga kasamahan nito sa likod.
"O bakit nasali ako dyan," tumawa ako at tinignan sila sa kanilang pwesto.
Nakapagitna si Ally sa dalawang crew, isang bakla at babae. Ang isang lalaki naman ay nasa pinakalikod para bantayan ang mga gamit roon. Nagdala kasi sila ng beers at kung anu-ano pang inumin mula sa mga nadaanan
