Kabanata 179
Lee’s POV
Halos mapuno na ang quadrangle dahil sa rami ng mga dumalong estudyante. Wala pa rin kaming kaalam-alam sa kung tungkol saan ang magaganap na pagtitipon, sinubukan naming hanapin kanina ang daddy ni Marie at ang tito ni Alex nang hindi namin sila makita, ang bilis nilang nawala kanina na parang bula. Animo’y isang anino na nawala nang naliliman.
“Wala bang sinabi sa iyo ang daddy mo kanina?”
“Wala naman, hindi ko nga alam kung saan sila pumupunta ni kuya, kapag umaalis sila ng bahay.”
“So ibig sabihin, hindi mo alam ang mga ginagawa nila?” usisa namin ni Harold kay Marie, nang napansin kong tahimik si Alex.
“Yes, hindi ko alam, nasa inyo na iyon kung maniniwala kayo sa akin o hi
