Kabanata 191
Tope’s POV
Pati naman ako nagulat nang makita ng dalawang mata ko ang nobya nga ng aking kaibigan. Kilala ko ang nobya niya bilang simple lang, hindi naman lingid sa akin na nagtatrabaho ito sa LIT, kasi nga araw-araw na akong nagmamanman sa kanya at nagbabantay sa kanya ng palihim, kaya alam na alam ko talaga ang bawat galaw ni Ella, pero may ibang araw naman na hindi ko siya nababantayan, kasi tinatamad ako o may ginagawang ibang bagay na may kinalaman pa rin sa trabaho sa MIT. Katulad na lang nang kapag may kailangan si Mr. Miller sa akin, hindi ko naman pwedeng hindian iyon kapag iyon na ang humingi ng tulong.
Nagkausap na nga kami ni Harvey kagabi na ako na muna ang bahala sa kapatid niya at sa anak ni Mr. Lim na may-ari ng LIT. Magk
