Kabanata 192
Lee’s POV
“Lee, tapos ka na, upo ka muna roon at si Harold naman ngayon ang aayusan ko.” Inangat ko ang sarili ko galing sa pagkakaupo, naninibago ako sa mukha ko kasi nga sa mga nilalagay na parang clay at make-up saka idagdag pa ang wig.
“Ang hirap magsalita, Kuya Tope.” Apila ko.
“’Wag ka na lang magsalita riyan, saka masasanay ka rin naman maya’t-maya. Saka na muna tayo magdadaldalan at tatapusin ko muna itong ginagawa ko kay Harold.” Mahabang turan ni Kuya. Nakatingin lang ako sa ginagawa ni Kuya Tope kay Harold. Mukhang bihasa na siya sa mga ganitong bagay. Hindi ko naman napigilan ang sarili kong hindi magbigay ng mga salita sa pagkamangha.
“Mukhang magagamit niyo po ang talento niyo po sa paglalagay ng p
