MARY LYNELLE
Nagising ako ng maaga kinabukasan. Sinulyapan ko ang katabi, ang himbing ng tulog nito. Marahil dahil din sa nakainom ito kagabi kaya bumabawi.
Marahan na kumalas ako ng yakap dito sa takot na magising sa galaw ko. Sa pagpipilit ko na makaalis sa pagkakayakap, ay nagising ito.
Paano, daig pa nito ang tuko sa higpit ng kapit kala naman ay makakatakas ako. Hindi ko mapigilan ang pagtaas ng kilay dahil pakiwari ko ay gising na ito.
Nakita ko na umaalog ang balikat tanda na nagtutulog tulugan lamang ito. Naghikab ito kunwari. Kinurot ko ito sa tiyan o mas tamang sabihin sa abs niya at sinimangutan ko.
"Ouch naman my love, mapanakit ka naman." Wika nito na hinahaplos ang nasaktang tiyan. "Sabihin mo lang na gusto mo hawakan at haplusin ang abs ko. Hindi 'yong kunwari pa na man
