Reyn’s POV
Pinuno ng katahimikan ang loob ng mini store, pasado ala una y media na ng umaga ngunit madilim pa din ang paligid. Halos kami lang din ang tao sa loob ng store na 24/7 na bukas. Ang madilim na tanawin sa labas na aking pinagmamasdan ay hinarangan ng isang kape.
Napatingala ako at mukha ni Justine ang sumalubong sa akin, nang hindi ko tanggapin ang kape ay umupo siya sa tabi ko.
“Mukhang sa amin muna kayo sasakay,” kalmadong usal niya, ngayon ay pinagmamasdan na din ang madilim na daan kung saan wala ni isang sasakyan na dumadaan, marahil ay gabi na.
Tanging malaking salamin lamang ang nakaharang sa tapat namin. Ang iba naming kasama ay tahimik na namimili ng pagkain, ang mga kalalakihan ay nasa police station malapit dito. Kakagaling ko lang doon, pero nag-aya si Stacey
