I'm you
Okyupado ang utak ko habang abala ang mga katulong sa paghahanda sa akin para sa selebrasyon ko mamaya. Hindi ko alam na sa isang enggrandeng hotel pala magaganap. Ang akala ko lang talaga dito sa bahay. Dapat nung sinukatan ako ng gown ni Mommy ay naghinala na ako na malaki ang selebrasyon na 'to.
Laman ng utak ko ang magiging announcement ko mamaya. Wala nang atrasan ito Snow. Kailangan mong sabihin sa magulang mo na hindi si Jiro ang lalaking mahal mo kundi si Sylver.
"Miss Snow, pwede na po kayong dumilat." Bumalik ako sa sarili kong katauhan nang marinig ko ang sinabi ng katulong. Pinagmasdan ko ng mabuti ang repleksyon ko sa salamin. Parang hindi ako. Parang ibang tao ang nakikita ko.
"Para na po kayong isang tunay na prinsesa Miss Snow. Ang ganda niyo po." Nginitian
