Malinis at napakalinaw ng tubig sa Puerto Azul Beach Resort kung kaya katulad ng mga estudyante at mga guro na kasama sa tour na iyon ay naengganyo rin si Talitha na lumusong sa dagat.
Suot ang kanyang two-piece white bikini ay naglunoy siya nang malayo sa karamihan upang makaiwas kay Enzo at kay Bianca. Kung hindi lang nagdahilan si Cel na may allergy sa tubig dagat, may kasama sana siya ngayon.
Habang naglulunoy ay natanaw niya ang tumpok ng mga bato sa di kalayuan na animo ay isang maliit na isla. Dala ng kuryosidad ay naakit siyang lapitan ito.
Pagkatapos ng ilang minutong paglangoy ay narating niya ang tumpok ng mga bato. Mas malawak at mas maganda pala iyon kaysa sa inaasahan niya. Mula sa pagkakatayo sa ibabaw ng mga bato ay kitang-kita niya ang buong island cove. Napakahaba n
