“Kung ano man ang sasabihin mo ay sabihin mo na. Hindi mo na ako kailangan pang kaladkarin sa Student Affairs Office,” aroganteng sabi ni Bianca nang makalabas ang lahat ng estudyante sa silid. Nakapameywang pa ito habang nakataas ang isang kilay.
Muling umakyat ang dugo sa ulo ni Talitha. Humugot muna siya nang malalim na hininga bago nagsalita. “Is that the proper way of talking with your teacher, Ms. Mallari?”
“Yes! May reklamo ka ba?” sarkastikong tanong ni Bianca.
Talitha tightened her jaws. Isang-isa na lang talaga at lilipad na ang isang palad niya sa pisngi ng babaeng ito. “Since when and where did you learn that very disrespectful attitude, Ms. Mallari? To think that you came from a buena familia.”
Biglang nanlisik ang mga mata ni Bianca. “Labas sa usapang ito ang pamilya k
