TWENTY NINE
Risha
Halos hindi maiproseso ng utak ko ang sinabi ni Mama tungkol kay Ahma. Imposible. Napakabait niyang lola kina Callus at alam ko kung gaano niya sila kamahal.
Humugot ako ng hininga saka ako umiiling na tumalikod kay Mama. "H-Hindi... Hindi 'yan totoo, Ma."
Pilit akonh pinihit ni Mama paharap. "Risha," nagtutubig ang mga mata niyang hinaplos ang aking pisngi. "Minsan, tinutulak ng pag-ibig ang isang tao para gumawa ng hindi mabuti..."
Nanginig ang ibaba kong labi. "H-Hindi ko kayang paniwalaan, Ma." Halos mabasag ang aking boses.
Hinagod niya ang aking magkabilang braso saka ito mahinang piniga. "Mahal na mahal ng lola ng Alpha si Callus. Hindi niya matanggap na nasasaktan ng gano'n si Callus kaya niya nagawa 'yon."
"Pero mas nasaktan lang si Callus at Lilian dahi
