“Mga kasama, bukas na ang birthday ni Sir Karl. Hindi mahilig sa marangyang selebrasyon ang alaga ko kaya dito lang ginaganap ang birthday niya. Huwag kayong mag-alala, may mga darating naman dito para tumulong sa atin sa paghahanda lalo at iilan lang tayo at saka day off din bukas ni Belle. Mga kamag-anak at malalapit na kaibigan lang naman ang iniimbita nilang mag-asawa. Kaya matulog tayo ng maaga ngayon ha. Kailangan bago dumating si Sir Karl nakahanda na ang lahat.” Anunsiyo ni Nanay Karina habang kumakain kami ng hapunan.
At dahil may naisip na naman akong kalokohan, agad kong tinawagan si Karl pagpasok sa kwarto. “Hi honey! Busy ka po ba? Bakit ang tagal mong sagutin?” maarteng tanong ko sa kaniya. Naupo ako sa kama at sumandal sa headboard.
“Sorry, katatapos ko lang maligo.” Ipi
