“Mukhang blooming ka yata, Belle?” tanong ni Christan.
Nahinto ako sa akmang pagsubo ng pagkain. Ibinaba ko ang kutsara at binalingan siya ng tingin.
“Gano’n talaga. Inaalagaan ko kasi sarili ko. Kaya ikaw, huwag ka nang masiyadong chismoso, maglagay ka na lang din ng pangpakinis ng mukha mo kaysa bantayan ang mga nasa paligid mo.” Inirapan ko siya at muling sumubo ng pagkain.
Mahinang natawa sina Lanie at Nanay Karina. Si Tatay Mario naman ay pangiti-ngiti lang.
“Kayong dalawa, ha? Para kayong aso at pusa palagi. Baka mamaya niyan magka-develop-an na kayo sa isa’t isa,” himig nanunukso na sambit ni Lanie habang palipat-lipat ang tingin niya sa aming dalawa.
“Hindi ko siya type ’no!” Nakangiwi akong tumingin kay Christan.
“Bakit, ano ba ang gusto mo sa isang lalaki, Iha?” tanon
