“Bakit ganiyan ka makatingin?” nakataas ang kilay na tanong ko kay Christan matapos kong ilapag ang baso na ininuman.
Pangisi-ngisi siya habang nakatingin sa akin. Pinagkrus niya ang braso sa d*bdib saka isinandal ang likod sa upuan.
“Ang tagal mong lumabas kanina sa kwarto ni Karl. May nangyari na ba sa inyo?” usisa niya at muling tumaas ang sulok ng labi.
Naningkit ang mga mata ko at inilapag ang dalawang kamay sa ibabaw ng lamesa. “Huwag mong sabihing naglagay ka ng camera sa tapat ng kwarto nila? Baka mamaya niyan pati sa loob ng silid may nilagay ka na din? Sige ka, masasaktan ka niyan kapag may napanood kang kababalaghan.” Pang aasar ko sa kaniya.
“Kailangan kong maglagay ng camera para mabantayan ko sakaling saktan siya ni Martinez. At ’yung tungkol naman sa loob ng kwarto..
