“Saan tayo pupunta, Honey?” tanong ni Karl habang papalabas kami ng apartment.
“Diyan lang sa may malapit,” tipid na sagot ko.
Pagkatapos kong ibigay sa kaniya ang “premyo”, naligo ulit ako. Maging siya ay pinaglinis ko din ng katawan. Dalawang pelikula ang pinanood namin bago ko napagpasyahang ayain siyang lumabas.
“Huwag na tayong sumakay sa kotse mo. Mag-commute na lang tayo papunta doon,” saad ko nang lumapit siya sa sasakyan niya upang pagbuksan ako ng pinto.
“Commute lang tayo?”
Ngumiti ako saka tumango. “Yup! Sabi ko nga ’di ba diyan lang tayo sa may malapit,” tugon ko.
“Halika na.” Hinawakan ko ang kamay niya saka sinimulang maglakad.
“Akala ko magco-commute tayo?” tanong niya makaraan ang ilang minutong paglalakad namin.
“Oo, pero lalakarin natin ang papunta sa par
