CHAPTER 57
Hindi alam ni Lindsey kung anong gagawin niya. Nakaramdam kaagad siya ng takot dahil sa sinabi ni Avery, hindi naman niya inaasahan na mauuna pala ang dalaga keysa sa kanya. Kung alam niya lang ay sana mas binilisan niya pa ang kanyang pag-aayos o 'di kaya naman ay naghilamos na lang siya para hindi siya matagalan. Para siyang naestatwa habang pinagmamasdan siya ng seryoso ni Avery, mukhang sinusuri ni Avery ang buong pagkatao niya. Halos hindi siya makahinga dahil baka pati paghinga niya ay mali sa paningin ng kanyang kaibigan. Walang emosyon lang siyang tinitingnan ni Avery habang nag-iisip kung anong maari niyang maging parusa kay Lindsey.
“Nevermind your punishment, I will just think about it,” wika niya bago niya inalis ng tuluyan ang tingin niya kay Lindsey. Hindi alam
