CHAPTER 63 (Part 3)
Katulad ng inaasahan ni Samuel ay hindi niya alam kung ano ang kanyang gagawin ngayon na tumulo na ang mga luha ng dalaga. Dahil nga inalis ni Marina ang kanyang pagkakahawak ay nag-alanganin siyang hawakan ang dalaga dahil baka lalong ma-trigger ang kanyang emosyon at lalo itong umiyak sa kanyang harapan.
“Marina,” marahan na pagtawag niya sa dalaga. Hindi niya kayang iwanan ng ganito ang kalagayan niya. Kahit pa paalisin niya ito sa kanyang harapan ay hindi niya ito iiwanan, at hindi sa ganitong lugar—hindi sa ganitong pagkakataon. Hindi siya papatulugin ng kanyang konsensya kapag iniwan niya ang dalaga na ganito ang kalagayan.
“Ano?! Ano?!” Hindi na maiwasan ni marina na humagulgol dahil hindi na niya kinakaya ang mga salita, ang mga ideya, mga pambibintang na g
