CHAPTER 63 (Part 2)
“Ano ba?!” palag ni Marina nang maramdaman niya ang paghawak ni Samuel sa kanyang braso. Ayaw niyang ipakita na naapektuhan siya sa sinabi niyang mga salita kanina. Ayaw niyang ipakita na natamaan siya sa bawat letra na kanyang sinambit kanina. Ayaw niyang ipakita na may punto at tama kung ano man ang tinuran niya kanina. Ayaw niyang ipakita na siya ang mali at tama ang lahat ng sinabi kanina ni Samuel.
Na dahil sa kanya ay nasasaktan ang kanyang kaibigan. Walang sino man ang nanakit sa kanyang kaibigan kung hindi siya mismo. Siya ang nagdala sa kaibigan niya sa ganoong sitwasyon. Habang abala si Elisa na magbigay liwanag sa tinatahak nilang landas para matupad ang kanilang pangarap ay siya ang nanghila sa kanyang kaibigan papunta sa dilim. Siya ang dahilan sa unang
