Hindi ako kumportable habang nasa byahe kami. Panay ang kwento ni Alicia ng kung anu-ano pero hindi ko naman maintindihan ang kanyang mga sinasabi. Nakatuon lang ang tingin ko kay Chantle. Nakapikit ang kanyang mga mata, sa tingin ko'y tulog.
Nasa pinakadulo ng jeep si Chantle, sa likuran ng driver. Habang ako naman ay nasa kabilang dulo, sa tabi ng pintuan.
"Boyfriend mo, doc?" tanong bigla ng isa sa mga volunteer na nasa tapat namin.
"Naku, hindi," tumawa si Alicia.
Magsasalita pa sana ulit siya ngunit natigilan kaming lahat nang biglaang tumigil ang sasakyan. Nagulat kami sa nangyari, maging si Chantle ay napamulat ang mga mata.
"Pesensya na po, di ko napansin yung malalalim na hukay," anang driver. "Kung ayos lang po sana sa ibang lalaki, patulak na lang po ng jeep."
"Sige po," a
