“Ano po ba'ng sinasabi mo Bridge? Si Mommy Reign lang po ang Mommy ko.”
Pakiramdam ko nanghina ang buong katawan ko dahil sa sinabi ni Rina. Naniniwala sa 'kin si Rina, nagtiwala siya sa 'kin at minahal ako na parang tunay niyang ina, pero nagawa ko siyang lokohin.
Napangisi naman si Ridge sa sinabi ni Rina, napalunok na lang ako habang nakahawak kay Rina, kailangan ko ng lakas, kahit kaunting lakas lang.
“Ridge,” malamig na sabi ni Mr. Farthon na tila ba binabalaan si Ridge.
“Ridge, b-bigyan mo muna ko ng time,” pakiusap ko.
“What for? This is the perfect time to admit everything to Rina,” sabi ni Ridge habang nakapamulsa.
“Mommy, a-ano po ba'ng sinasabi ni Bridge?” tanong ni Rina saka yumakap sa 'kin.
“A-anak,” nauutal na sabi ko saka marahang hinaplos ang buhok niya.
“Believe
