MULA sa may pinto ng banyo, napahinto si Sakura nang makita niya ang kaniyang asawa na nakatayo at karga-karga ang kanilang anak. Napangiti siya at matamang pinagmasdan ang kaniyang mag-ama. Masuyong sumasayaw si Sebas at malapad ang ngiti sa labi nito habang tinititigan ang maliit na mukha ng kanilang baby. Masuyo ring humahaplos ang likod ng hintuturo nito sa pisngi ng anak nila.
It’s been two weeks simula nang makapanganak siya. Simula rin no’ng umuwi sila sa kanilang bahay, hindi pa pumapasok sa trabaho nito ang kaniyang mister. Gusto raw kasi nito na dalawa silang mag-aalaga sa kanilang anak. Labis naman siyang natutuwa dahil doon.
At dahil first baby naman niya si Auria, wala talaga siyang ideya kung paano ang mag-alaga ng sanggol. Pero labis ang pasasalamat niya na nariyan ang Ma
