Kabanata 26
A L E X A
Nang nagising ako ay wala na si Liam sa tabi ko. Napangiti na lang ako nang maisip ang nangyari kanina. Magkatabi kaming natulog kahit saglit lang. Hindi ko maiwasang humanga sa kanya dahil kahit magkatabi kami ay walang nangyaring kahit ano sa amin. Ni hindi niya ako sinubukang halikan or what. Talagang natulog lang kami. Hindi ko nga alam kung bakit parang dismayado pa ako sa nangyari kahit na dapat masaya ako dahil pinatunayan niya na hindi lang iyon ang habol niya at napatunayan niya din na hindi siya ‘yong klase ng lalaki na hindi kayang kontrolin ang sarili pagdating sa ganoong bagay.
Tanghali na ako nagising kaya agad akong kumilos para maghanda. Hapon naman ang pasok ko ngayong araw kaya ayos lang na tanghali na ako nagising. Agad kong hinanda ang mga gamit
