Kabanata 27
A L E X A
Nang matapos si Liam magluto ay nagsimula na kaming kumain. In fairness, mukhang marunong nga siyang magluto. Hindi lang ‘yon. Mukhang sanay talaga siyang kumilos sa kusina. Akala ko kasi noon ang mga katulad niyang sobrang yayamam, hindi marunong ng mga gawaing bahay pero pinatunayan ni Liam na hindi lahat ay ganoon. Lahat na lang ba ng magandang katangian ay nasa kanya na? Ano pa ba? Parang kahit anong gawin niya ay hinahangaan ko. Ganoon ba ako kabaliw sa taong ‘to?
“Ano ba ang hindi mo kayang gawin?” nakangiting tanong ko habang pinapanood siyang nagsasandok ng kanin para sa akin.
Nagkibit-balikat siya.
“Ano ba ang gusto mong isagot ko riyan?”
Natawa ako.
“Parang lahat na lang kasi alam mong gawin kaya curious lang ako kung ano iyong mga bagay na hindi mo
