Kabanata 29
A L E X A
Sunday at nagyaya kaagad si Leanne na lumabas. Alam niyang wala akong masyadong ginagawa kapag weekends. Ilang beses na niya akong niyayaya na lumabas pero dahil abala sa trabaho at sa exam sa school ilang beses ko na din siyang natanggihan. Kung kaya naman medyo nagiging madalang ang pagkikita namin nitong mga nagdaang mga araw. Samantala, regular naman kaming nagkikita ni Liam dahil tulad ng dating gawi, hinahatid niya ako sa trabaho ko pagkatapos naming kumain ng dinner. Minsan sa bahay lang kami kumakain at minsan naman sa condo niya kapag may konti akong oras o kapag wala akong trabaho.
Sa bahay kami mas madalas kaysa sa condo niya dahil busy nga ako sa school at trabaho. Hindi niya alam na nag-aaral ako sa umaga kaya minsan nahihirapan akong magdahilan kung
