Kabanata 56
A L E X A
Naging maayos ang dinner namin at mas naging magaang ang lahat. Maraming napag-usapan ang dalawa at ramdam kong mabilis na nakuha ni Liam ang loob ng kapatid ko. Hindi na ako nagtaka. Sino ba naman kasi ang aayaw sa isang katulad ni Liam. Lagi kong sinasabi na perpekto si Liam dahil iyon talaga ang nakikita ko sa kanya. Tila wala siyang kapintasan.
Sobrang kabado ko nang dalhin ako ni Liam sa bahay ng parents niya. Ako ang humiling nito sa kanya pero sobrang kabado ko naman. Gusto ko kung magsisimula kami muli ay alam ng mga pamilya namin at hindi na nagtatago. Kung sa bagay, noon naman ay alam ng parents niya ang tungkol sa relasyon namin. Pero this time mas kabado ako dahil kasama si Leanne sa dinner with his parents. Alam kong napatawad na ako ni Leanne at na hi
