Kabanata 57
A L E X A
“Grabe ang galing mong magsikreto! Binigla mo naman kami. Parang kailan lang kahihiwalay niyo lang ni papa Gabriel tapos ngayon ikakasal ka na ulit? Ni hindi man lang namin nalaman na nagka-boyfriend ka pagkatapos ni Gabriel,” ani Amy nang sabihin ko sa kanila ang plano kong pagpapakasal.
“Oo nga. Sino ba ‘yan fiance mo at mukhang minamadali ka?”
“Baka naman si Alexa ang nagmamadali. Sa bagay, ang tagal na ring tagtuyot niyan. Baka na-miss na,” tumatawang tukso ni Mich. Napailing ako sa panunukso nila. Kahit kailan talaga ang mga babaeng ito. Expected ko na rin naman na ganito ang magiging reaksyon nila kapag sinabi ko ang tungkol sa pagpapakasal ko kay Liam.
Hindi tuloy ako makapaghintay na ipakilala sa kanila ang mapapangasawa ko. Nakilala na nila si Liam bilan
