Kabanata 58
A L E X A
Nang sunduin ako ni Liam ay hindi magkamayaw ang mga kaibigan ko sa pagtili dahil sa kilig na para bang nakakita sila ng loveteam sa TV. Napapailing ako habang pinapanood sila. Halos ayaw rin nilang tigilan si Liam sa mga tanong nilang ang babastos naman. Hindi ko alam kung anong naisip ko at hinayaan ko pa si Liam na puntahan ako sa loob ng restobar. Sana nagpahintay na lang ako sa kanya sa sasakyan. Mas lalo tuloy kaming hindi makaalis dahil sa mga kaibigan ko na napakaraming tanong dinaig pa ang reporter.
“So, wala ka talagang idea na seventeen lang siya noong una kayong magkita?” Hindi ko alam kung pang-ilan na nilang tanong iyon kay Liam. Buti na lang talaga at mabait ang fiance ko dahil kung ibang tao siguro ay nairita na sa dami ng tanong nila. Hindi ko main
